Wakuhanjika Chokwe?

Marku 16:15: Iye wambile kuli ayo ngwenyi, yeenu hashi heswe, nukambujole sango lipema kuli atu eswe.
Yoano 1:14: Mba mwe Liji walipwishile mutu wa musunya, watwamine hakachi ketu mba twamwene uhenya wenyi, uhenya te wa mwana wa wika, wa too ni vumbi ni umwenemwene.
Yoano 3:16: Mumu chocho Zambi wazangile akwa hashi, wachele Mwanenyi wa wika hanga mweswawo mamufuliela, kechi katoka, alioze akapwe ni mwono wa mutolo.
Yoano 14:3: Nyi kachi munguya mukunululikila muhela, kachi mungwiza cheka nawa, mungukanutambula kuli yami mwene, hanga kuze yami nguli, kuzekwene ni yenu nawa nukapwe.
Yilinga 2:41: Hohene waze atambwile liji lienyi kanawa, aapapachishile. Awezele kuli ayo ha tangwa lizeliene ngwe tununu atatu a atu.
Yilinga 2:42: O anyongonwene mu longeso lia apostolo, nikuliendela, ni upalwilo wa mbolo, ni kulemba.
Yilinga 11:26: Muze te hamuwana, yamutwala ku Andiakia. Mba hamwaka wa muwundu akungulukile hamwe ni akwa chikungulwila, nikulongesa mbunga yinene. Ku Andiakia kwenaku aputukilile kuluka tumbaji ngwo Akwa Kristu.
Yilinga 12:5: Kashika afungile Petulu mu zuwo lia ususu, alioze akwa chikungulwila yamulembela kuli Zambi ni mbunge yeswe.
Yilinga 16:31: O yamba ngwo, fuliela Mwene Yesu Kristu mba kumakakulamwina, yena ni akwa zuwo lie.
Yilinga 17:30: Kashika miaka ya kwalajala Zambi hanalihumikiza nayo, alioze haliapwila kakwamba atu eswe kweswe alikonyeke.
Yilinga 17:31: Mumu iye hanasela lie tangwa muze makasopesa akwa yifuchi yeswe ya hashi mu ululi kuli mwe lunga yoze hanamuselacho. Ha chino hanahana chinyingi kuli atu eswe se hanamuhindwisa hakachi ka afu.
A-Roma 3:23: Mumu eswe hanavulumuna, kahetele ku uhenya wa Zambi.
1 Korindu 15:3: Mumu nanukunjikile chize yami nawa natambwile, ngwami, Kristu wafwilile milonga yetu nikulita ni Yisoneko ya Zambi.
1 Korindu 15:25: Mumu chamutamba kuyula ndo masa akwa kole jenyi eswe kushi lia yiliato yenyi.
1 Petulu 1:21: Yenu, kuli iye nwakufuliela Zambi yoze wamuhindwishile hakachi ya afu, wamuhele uhenya, hanga ufulielo wenu ni ukolelo wenu ukapwe muli Zambi.
1 Petulu 3:22: Yoze kwali ku kwoko lia chindume ya Zambi, se hanayi mwilu, angelo ni akwa kuyula ni tachi ni kuzeyela kuli iye.
2 Petulu 1:1: Yami Semone Petulu, ndungo kanda postolo wa Yesu Kristu, kuli waze hanazuku ufulielo ulemu umuwika ni uno wa yetu, ku ululi wa Zambi yetu kanda Chilamwina Yesu Kristu.